<chapter label="9" id="layers-chapter">
<title>Geruzak kudeatzea</title> 
  <!-- (introductory info...)  --> <sect1 id="layers-introduction">
  <title>Geruzen sarrera</title>
   
<para>
 <application>Dia</application>-n, <emphasis>geruzak</emphasis> 
kudeatzeko <interface>Geruzen elkarrizketa-koadroa</interface> 
erabiltzen da, eta bertatik egiten dira geruzei buruzko eragiketa 
guztiak.
</para>
 
<para>
Oro har, diagramaren barnean elkarrekin erlazionatuta dauden objektuak 
elkartzeko erabiltzen dira geruzak. Diagramaren zatiak isolatzeko erabil 
daitezke geruzak: zati batzuk bistaratu eta beste batzuk ezkutatzeko, 
baita diagrama esportatzen edo inprimatzen denean ere.
</para>
 
<para>
Geruzaren barnean egin nahi duzun edozein eragiketa, <interface>Laster-menu 
nagusia</interface>ren bidez egin dezakezu, eta hortik landu ditzakezu 
objektuak normalean egiten duzun moduan.
</para>
 <note>
<para>
Uneko geruzan dauden objektuak bakarrik hauta daitezke. Objekturen bat 
hautatu ezin baduzu, begiratu uneko geruzan dagoen ala ez.
</para>
</note> 
<para>
Lehenespenez, diagrama berri bakoitzean geruza lehenetsi bat egoten da: 
hori da <emphasis>Atzeko planoko</emphasis> geruza. Nahi baduzu, geruza 
horren izena eta ezarpenak alda ditzakezu, zure premietara egokitzeko, 
beste edozein geruzarekin egingo zenukeen bezala.
</para>
 
<para>
Nahi adina geruza sor ditzakezu; lehendik dauden geruza guztien gainean 
kokatuko du geruza berria <application>Dia</application>-k. 
<emphasis>Geruzak</emphasis> bata bestearen gainean pilan jarritako paper 
gardenak direla pentsa liteke. Pilan daukaten ordena alda dezakezu; geruza 
bakoitza erakutsi edo ezkutatu nahi duzun erabaki dezakezu; geruza bakoitzean 
nahi adina objektu marraz ditzakezu; eta abar.
</para>
 
<para>
Hori dena <interface>Geruzen elkarrizketa-koadroan</interface> kudeatzen da.
</para>
</sect1>
  
  <sect1 id="layers-basics">
  <title>Geruzen oinarrizko kudeaketa</title>
  <!-- we should probably drop the related icons in front of each 
        subsection, that way we won't have to describe them and 
        the user to find them into the dialog box faster, what 
        do you think ?   --> <sect2 id="create-layers">
    <title>Geruza berria sortzea</title>
     
<para>
Geruza berria sortzeko, egin klik elkarrizketa-koadroaren behealdeko 
<guibutton>Geruza berria</guibutton> botoian. <interface>Geruzen 
elkarrizketa-koadroa</interface> aplikazioa osoarena denez, eta ez 
diagrama bakoitzarena, geruza berria zein diagramatakoa den zehaztu 
beharko duzu. Horretarako, hautatu diagrama <interface>Geruzen 
elkarrizketa-koadroaren</interface> goialdean, eta gehitu geruza berria 
hautatutako diagraman.
</para>
 
<para>
Geruza sortu berria pilaren goialdean kokatuko da eta hautatutako 
diagramako uneko geruza izango da.
</para>
 
<para>
Orduan nahi dituzun objektu berriak editatu ahal izango dituzu, beste 
geruza edo diagrama batetik kopiatu eta itsatsi, geruza bakarreko 
diagrama batean egingo zenukeen moduan.
</para>
</sect2>

    <sect2 id="selecting-layers">
    <title>Geruzak hautatzea</title>
     
<para>
<interface>Geruzen elkarrizketa-koadroan</interface> hautatzen denean 
aktibatzen da geruza. Geruza bat hautatzeko, egin klik geruzaren izenean 
elkarrizketa-koadroan; nabarmenduta geratuko da. Hortik aurrera, egiten 
dituzun aldaketa guztiek geruza horretan eta horretan bakarrik izango 
dute eragina.
</para>
 <note>
<para>
Aldiko geruza bakarra hauta daiteke. Horrela, nahi duzuna egin ahal izango 
duzu geruza horretan, diagramako gainerako geruzak ukitu gabe.
</para>
</note></sect2>

    <sect2 id="ordering-layers">
    <title>Geruzak ordenatzea</title>
     
<para>
<interface>Geruzen elkarrizketa-koadroaren</interface> behealdean, 
<guibutton>Geruza berria</guibutton> botoiaren ondoan, beste bi botoi 
daude, sortzen dituzun geruzek pilan duten ordena egokitzeko.
</para>
 
<para>
Geruzen hierarkian geruzak gorago edo beherago eramateko erabiltzen dira 
botoi horiek. Gora gezia duen botoiak geruza goratu egiten du, eta 
besteak, berriz, hierarkian beheratu egiten du.
</para>
 
<para>
Geruzak ordenatzea ongi etortzen da objektu baten zati batzuk beste 
batekin batera ezkutatu nahi direnean.
</para>
</sect2>
    
    <sect2 id="deleting-layers">
    <title>Geruzak ezabatzea</title>
     
<para>
Geruza bat gehiago behar ez baduzu, bertako objektu guztiak ezaba 
ditzakezu <guibutton>Ezabatu geruza</guibutton> botoian klik eginda. 
Normala denez, unean hautatuta dagoen geruzan bakarrik izango du 
eragina horrek.
</para>
 
<para>
Tarteka egitea komeni da diagrama garbi eta txukun edukitzeko, 
<application>Dia</application> formatu natibotik kanpora esportatu 
nahi duzunerako batez ere.
</para>
 
<para>
Kontuan izan diagramek geruza bat behintzat eduki behar dutela, 
diagramak geruzen bidez eraikitzen direlako, eta, beraz, geruzarik 
gabeko diagramak hondatutzat joko direla eta ezingo direla gorde edo 
esportatu <application>Dia</application> formatu natibotik.
</para>
</sect2>
</sect1>
 <sect1 id="viewing-layers">
    <title>Geruzak ikustea</title>
     
<para>
Geruzak manipulatzeko oinarriak ikasi dituzunez, errazago ulertuko 
duzu <emphasis>geruzak</emphasis> nolako tresna indartsuak diren 
<application>Dia</application>-n diagramak eraikitzeko.
</para>
 
<para>
Geruzek zertarako balio duten ulertzeak ikaragarri lagunduko dizu 
zure diagramen kalitatea eta efektu bisuala hobetzen.
</para>
 
<para>
Esate baterako, pentsa ezazu objektu asko dituen diagrama bat 
eraikitzen ari zarela (diagrama elektrikoa, edo UMLa edo horrelakoren 
bat). Objektu guztiak geruza berean (hau da, atzeko planokoan) ipintzen 
badituzu, lan pixka bat egindakoan zirriborro ulertezin bat izango duzu 
eskuartean. Aldaketak egiteak buruko mina emango dizu, denbora asko 
beharko duzu hor erdian azaltzen den objektu hori nahaste-borraste 
horretako zein objekturekin dagoen konektatuta asmatzeko, eta abar.
</para>
 
<para>
Baina <application>Dia</application>-k <emphasis>Diagrama egituratuak 
eraikitzen</emphasis> dituenez, diagrama guztiak naturalki egituratuko 
dira, zati txikitan banatuta egongo dira, erraz kudea ditzazun, 
objektu-bloke monolitiko bakar batekin borrokan jardun beharrean.
</para>
 <note>
<para>
Definizioz, diagramek egituratuak izan behar dute, zati logikotan 
banatzea uste baino errazagoa izan dadin. Horregatik dira hain 
garrantzizkoak <emphasis>geruzak</emphasis>. Geruzen bidez zati bakoitza 
isola dezakezu diapositiba bat balitz bezala, lasai eta gustura 
manipulatzeko moduan.
</para>
</note> 
<para>
Hasteko, <emphasis>geruzei</emphasis> izena alda dakieke diagramako zein 
zati adierazten duten argitzeko, eta besteen artean errazago aurkitzeko. 
Eta gainera, <emphasis>geruzak</emphasis> erakutsi edo ezkutatu egin 
daitezke, unean ikustea komeni denaren arabera.
</para>
 
<para>
Diagrama egiten ari zarenean edozein unetan geruza bati izena 
aldatzeko, egin klik bikoitza geruzaren izenean <interface>Geruzen 
elkarrizketa-koadroan</interface>. <interface>Geruza-atributuen</interface> 
elkarrizketa-koadroa agertuko da, eta hor aldatu ahal izango diozu izena.
</para>
 <tip>
<para>
Saiatu izen ulergarri eta argi bat ezartzen, zertarako sortu zenuen 
errazago gogoratzeko. Ez izan beldurrik diagraman geruza asko sortzeko, 
<application>Dia</application>-k ez du mugarik ezartzen geruzen kopuruan, 
eta gainera lasai egokitu dezakezu hierarkia zure premien arabera.
</para>
</tip> 
<para>
Geruzaren izenaren ondoan dagoen <guibutton>Begiaren ikonoa</guibutton> 
oso erosoa da geruza ezkutatu edo bistaratzeko.. Geruza bat ez bistaratzea 
erabakitzen baduzu, egin klik <guibutton>Begiaren ikonoan</guibutton>, 
eta geruza eta barnean duen guztia desagertu egingo dira Oihaletik.
</para>
 
<para>
Geruza batzuk bakarrik ikustea praktikoa da diagramaren zati bat bakarrik 
manipulatu nahi duzunean, gainerakoa ukitu gabe. Diagrama hainbat 
orrialdetan inprimatu nahi baduzu, edo zati baten diseinua aldatzen 
duten ezarpenak probatu nahi badituzu ere, era horretan lan egin 
dezakezu. Lasai esperimentatu geruzekin. Ongi konfiguratzen badituzu, 
zure diagramak askoz ere itxura hobea izango du.
</para>
 <note>
<para>
<application>Dia</application>-n, <emphasis>Geruzak</emphasis> sortzea 
eta manipulatzea diagramako objektuak marraztea edo hautatzea bezain 
normala da. Geruzak erabiltzen ohitu egin beharko duzu, diagrama bat 
sortzen duzun bakoitzean erabili beharko baitituzu seguruenik.
</para>
</note>
</sect1>  
<!-- end of id="layers"  -->

</chapter>