<chapter label="6" id="selecting-chapter">
<title>Objektuak hautatzea</title>
  <sect1 id="selecting-introduction">
  <title>Hautatzearen sarrera</title>
   
<para>
Objektuak hautatzea izango da seguru asko 
<application>Dia</application>-n gehien egiten dena. Objektu berri 
bat sortzen duzunetik hasi eta diagrama erabat amaituta dagoela 
pentsatzen duzun arte, etengabe ariko zara objektuak hautatzen, 
behar bezala ezartzeko. 
<!-- I must confess that this intro really sucks -->
</para>
 
<para>
Objektu bat hautatzen duzunean, objektu horri ematen diozu 
fokua editatzeko.  Hautatuta ez dagoen objekturik ezin da editatu.
</para>
 
<para>
Objektuak hautatzeko modu asko daude, eta eragiketa asko egin 
daitezke hautatuta dauden objektuekin.
</para>
 
<para>
Diagraman zehar arrastatzeko bakarrik hauta dezakezu objektu 
bat, edo beste batzuekin elkartu eta errazago manipulatzeko, 
edo beste batzuekin konektatzeko, edo besterik gabe diagramatik 
kentzeko.
</para>
</sect1>
 
  <!-- +How to Select Objects  --> <sect1 id="how-to-select">
  <title>Nola hautatu objektuak</title>
    <sect2 id="basic-selection">
    <title>Oinarrizko hautapena</title>
     
<para>
Objektu bat hautatzeko modu oinarrizkoena bertan klik egitea da.
</para>
 
<para>
Objektua hautatuta dagoenean, inguruan puntu berde batzuk dituela azalduko da.
</para>
 
<para>
Puntu berdeak agertzen direnean, has zaitezke objektua manipulatzen. 
Amaitzen duzunean, diagramako leku huts batean klik egin dezakezu 
objektua desautatzeko. Puntu berdeak desagertu egingo dira, eta beste 
objektu bat hautatzeko moduan egongo zara.
</para>
</sect2>
 
    <sect2 id="multi-selection">
    <title>Hautapen anizkoitza</title>
     
<para>
Aldi berean objektu bat baino gehiago hautatzeko modurik errazena, 
diagramako leku huts batean ezkerreko sagu-botoiaz klik egin eta, askatu 
gabe, sagua arrastatzea da. Horrela laukizuzen bat marraztuko da Oihalean. 
Area horretan dauden objektu guztiak hautatuta geratuko dira sagu-botoia 
askatzean.
</para>
 
<para>
Beste modu bat, Maius tekla sakatuta edukiz objektuetan banan-banan klik 
egitea da.
</para>
 
<para>
Hautapena egindakoan, hautatako objektu guztiek puntu berdeak izango dituzte 
inguruan (goian azaldu den bezala).
</para>
 
<para>
Hautapen anizkoitza praktikoa da eragiketa bera egin nahi denean hainbat 
objekturekin, eta banan-banan egiten denborarik galdu nahi ez denean.
</para>
 
<para>
Hautatuta daudenean, talde gisa funtzionatzen dute objektuek. Horrek esan 
nahi du, objektuetako bat arrastatzen baduzu, talde osoa arrastatuko duzula. 
Gauza bera gertatuko da horietako bat ezabatzen saiatzen bazara: talde osoa 
ezabatuko duzu diagramatik.
</para>
 
<para>
Diagramako leku huts batean klik egiten baduzu, edo beste geruza batera 
aldatzen bazara, hautapena galduko duzu. Bestalde, hautapenean objektu gehiago 
sartu nahi badituzu, sakatu Maius tekla eta joan klik eginez gehitu nahi 
dituzun objektuetan.
</para>
 <note>
<para>
Diagramako objektu batzuk hautatuta dituzunean, horietako baten tamaina alda 
dezakezu gainerakoen tamaina edo posizioa aldatu gabe. Nola egiten den ikusteko, 
irakurri Objektuei tamaina aldatzeari buruzko atala. 
<!-- need to set up some link right here -->
</para>
</note></sect2>
 
    <sect2 id="other-selection">
    <title>Objektuak hautatzeko beste modu batzuk</title>
    
<para>
Ondoren azaltzen dira objektuak hautatzeko beste modu batzuk. Denak 
<interface>Laster-menu nagusian</interface> daude, 
<menuchoice><guimenu>Hautatu</guimenu></menuchoice> menuan:
</para>
 <variablelist><varlistentry><term>Objektu guztiak hautatzeko</term> <listitem>
<para>
Hautatu <menuchoice><guimenuitem>Denak</guimenuitem></menuchoice> 
aukera, uneko geruzan dauden objektu guztiak hautatuko dira, eskuz 
egingo zenukeen moduan.
</para>
 
<para>
Aukera hau erosoa da diagramak objektu asko dituenerako, ez baituzu 
denborarik galdu behar denak banan-banan hautatzen.
</para>

</listitem>
</varlistentry> 
<varlistentry><term>Objektu guztiak desautatzeko </term> 
<listitem>
<para>
Hautatu <menuchoice><guimenuitem>Bat ere ez</guimenuitem></menuchoice> 
aukera, eta hautatuta zeuden objektu guztiak desautatuta geratuko dira. 
Gauza bera lortuko duzu diagramako leku huts batean klik eginda ere.
</para>
 
<para>
    Objektuak desautatu ondoren, ezingo duzu eragiketarik egin objektu 
horiekin. Eragiketak egiteko, berriro hautatu beharko dituzu
</para>
 <tip>
<para>
Zenbaitetan hautapen iraunkorrak egitea komeniko zaizu. Horretarako, 
talde arbitrario bat sor dezakezu hautatutako objektuekin, edo denak 
batera ebaki eta geruza berri batean itsatsi.
</para>
 <!-- para
              To learn more about managing groups see the Managing Groups section, and
              to learn more about layers you can also check the Managing Layers section.              
            para -->
</tip>
</listitem>
</varlistentry> 
<varlistentry><term>Hautapena alderantzikatzeko</term> <listitem>
<para>
Demagun hamar elementu dituzula diagraman eta zortzi hautatu nahi 
dituzula. Zortzi horiek hautatzeko,  
<menuchoice><guimenu>Hautatu</guimenu></menuchoice> menuko 
<menuchoice><guimenuitem>Alderantzikatu</guimenuitem></menuchoice> 
aukera erabil dezakezu.
</para>
 
<para>
Hauta itzazu eskuz hautapenetik kanpo utzi nahi dituzun bi elementuak, 
aukeratu <menuchoice><guimenuitem>Alderantzikatu</guimenuitem></menuchoice> 
aukera, eta beste zortziak hautatuta geratuko dira.
</para>
 <tip>
<para>
Gauza bera egiteko beste modu bat, elementu 
<menuchoice><guimenuitem>Denak</guimenuitem></menuchoice> 
hautatu (goian azaldu da nola egin), Maius tekla sakatu, eta kanpoan utzi 
nahi diren biak banaka desautatzea da.
</para>
</tip> <note>
<para>
Uneko geruzan dauden objektuak bakarrik hauta daitezke. Objektu bat ezin 
baduzu hautatu, beste geruza batean egongo da seguru asko. Geruza batetik 
bestera nola joan zaitezkeen edo geruzak nola manipulatzen diren ikusteko, 
irakurri Geruzak kudeatzeari buruzko atala. 
<!-- need to make a link link to it -->
</para>
</note>
</listitem>
</varlistentry>
</variablelist></sect2>
 
    <sect2 id="selection-connected">
    <title>Konektatutako objektuak hautatzea</title>
     
<para>
<application>Dia</application>-k eskaintzen duen baliabide benetan ahaltsu 
eta praktiko bat objektuen arteko konexioak maneiatzeko aukera da.
</para>
 
<para>
Gauza askotarako erabil daitezke <application>Dia</application>-ko konexioak. 
Lehenik, bi objekturen arteko zuzeneko erlazioa espresuki zehazteko.
</para>
 
<para>
Bigarren, ezarritako arauen araberako portaera duten objektuak errazago 
kudeatzeko eta klik gutxi batzuekin atzitzeko.
</para>
 <!-- <note>
       para To learn more about advantages in connecting different objects together, you
        should read the Connecting Objects section.
      para
     </note>  --> 
<para>
Objektu jakin batekin konektatutako objektuak hautatzea oso erraza da: hautatu 
objektu jakin hori, egin klik eskuineko botoiaz Oihalean <interface>Laster-menu 
nagusia</interface> bistaratzeko, eta egin klik 
<menuchoice><guimenu>Hautatu</guimenu> 
<guimenuitem>Konektatuak</guimenuitem></menuchoice> botoian.
</para>
 
<para>
Objektu horrek konektatutakorik ez badu, ez du ezer egingo. Bestela, konektatutako 
objektu guztiak magikoki hautatuko dira eta aldi baterako hautatutako objektu-talde 
bat osatuko dute.
</para>
 <note>
<para>
Gauza bera berriro egiten baduzu, talde berriari konektatutako objektu guztiak 
hautapenean gehituko dira.
</para>
 
<para>
Eragiketa berriro egin dezakezu, harik eta elkarrekin konektatutako objektu guztiak 
hautatu arte.
</para>
</note></sect2> <sect2 id="selection-transitive">
    <title>Objektu iragankorrak hautatzea</title>
     
<para>
Goian erakutsitako teknika baliagarria da konektatutako objektu gutxi hautatu 
nahi direnerako.
</para>
 
<para>
Baina batzuetan elkarrekin konektatutako objektu asko batera hautatu nahi izango 
dituzu. Eta objektuak urratsez urrats hautatze hori ez da praktikoa.
</para>
 
<para>
Horregatik eskaintzen du <application>Dia</application>-k urrats horiek denak 
batera egiteko aukera.
</para>
 
<para>
Horretarako, hautatu erroko objektua, egin klik eskuin-botoiaz Oihalean 
<interface>Laster-menu nagusia</interface> ager dadin, eta sakatu 
<menuchoice><guimenu>Hautatu</guimenu> 
<guimenuitem>Iragankorra</guimenuitem></menuchoice> botoia, 
<guimenuitem>Konektatuak</guimenuitem>  aukeratu beharrean.
</para>
 
<para>
Eta hori da dena; hautatu duzun erroko objektuarekin konektatutako objektu 
guztiak hautatuta egongo dira orain, manipulatzeko prest, nahi dituzun 
eragiketa guztiak egin ditzazun.
</para>
</sect2> 
<sect2 id="selection-same-type">
    <title>Mota bereko objektuak hautatzea</title>                                            
<para>
<application>Dia</application>-k truku batzuk eskaintzen ditu mota 
bereko objektuak hautatu ahal izateko.
</para>
 
<para>
Edozein arrazoirengatik mota bereko objektuak hautatu behar badituzu 
(Laukizuzen guztiak, Marrak, Forma pertsonalizatu batekoak) aski duzu mota 
horretako objektu bat hautatzea,  eta gero <interface>Laster-menu 
nagusia</interface> ireki eta <menuchoice><guimenu>Hautatu</guimenu> 
<guimenuitem>Mota berekoak</guimenuitem></menuchoice> botoia sakatzea.
</para>
 
<para>
Automatikoki hautatuko dira hasieran hautatu duzun objektuaren mota bereko 
objektu guztiak. Uneko geruzan dauden objektuak bakarrik hautatuko dira.
</para>
</sect2>
</sect1>
</chapter>